Членот на претседателството на ЈАТА Македонија, Марко Панковски учествуваше на меѓународен семинар посветен на приватните безбедносни (воени) компании и националниот безбедносен сектор организиран од RACVIAC центарот за безбедносна соработка од 23 до 25 април 2013 година во Загреб, Хрватска.

Настанот беше организиран од RACVIAC центарот и ги разгледуваше растечките прашања поврзани со улогата на приватните безбедносни (воени) компании во безбедноста и процесот на креирање на нова легислатива (Монтро документот), која ќе покрие нивната активност во вооружените конфликти.

Семинарот собра учесници од Југоисточна Европа: членови на парламенти, претставници на омбудсманот, министерства, стопански комори, приватни безбедносни компании, НВО, академици и експерти од ДКАФ Женева и различни национални институции и тинк – тенкови.

Овој семинар им овозможи на учесниците релевантни генерални информации за историјата и растот на приватните безбедносни (воени) компании и нивното влијание на цивилно – воените односи, даде преглед на позитивните и негативните страни од употребата на приватните безбедносни (воени) компании и некои научени лекции од приватизацијата на безбедноста.

Учесниците беа запознаени со можностите за ефективно регулирање на приватните безбедносни (воени) компании и меѓународните регулативи, како што е Монро документот и Меѓународниот кодекс за однесување за провајдерите на приватна безбедност. Овој семинар исто така беше можност за размена на информации на моменталните трендови поврзани со националните искуства од регионот за приватните безбедносни (воени) компании како од академско гледиште така и од гледиштето на приватните безбедносни (воени) компании.