Претставниците на ЈАТА Македонија, Илија Џугуманов и Јордан Тасев учествуваа на овогодинешната конференција за Нордиска безебедност – NORSEC 2013, од 11 до 14 април 2013 година во Осло, Норвешка. Оваа конференција беше наменета за младите поширокиот атлантски регион, главно за ЈАТА националните организации.

Конференцијата имаше цел да фрли светло на некои од најважните прашања во нордиската сфера на безбедност и одбрана. Прашањата кои беа покренати не беа лесно одговорени, но низ предавања и дебати целта беше постигната.

Настанот имаше голем диверзитет на учесници од Канда и САД до Азербејџан. Присуството на ЈАТА делегатите беше добро комплементирано и со учеството на кадетите на норвешката воена академија.

Главни теми на коференцијата беа: “Стратегија на малите земји”, “Северот: безбедносните перспективи од не – нордиските играчи” и “Области на меѓувладина соработка – перспективи на партнерството и суверенитетот”. Говорници на оваа конференција беа претставници од норвешкото министерство за одбрана, норвешката воена академија, шведскиот национален колеџ за одбрана, лондонската школа за економски и политички науки, норвешкиот естаблишмент за одбранбени истражувања, норвешкиот институт за одбранбени студии, ЕУ мисијата во Норвешка.