На 02.11.2013 (сабота), лидерите на Атлантскиот Совет на Албанија, г-дин Ариан Старова, претседател на АТСА и г-дин Кристаќ Бирбо, извршен директор на АТСА остварија работна посета на Евро – Атлантскиот Совет на Македонија.



За време на посетата беа дискутирани многубројни нови проекти и иницијативи кои овие две партнерски организации планираат да ги имплементираат во иднина.

Исто така, беше утврдена и одличната соработка до сега и потребата од зголемена соработка и со останатите Атлантски Асоцијации од регионот.

Делегацијата беше примена од г-дин Исмет Рамадани, потпретседател на ЕАСМ, полковник Љубе Дукоски, Илија Џугуманов и Јордан Тасев.