Во првата недела од декември спроведовме четири интервјуа како дел од нашиот проект „ Информации против Дезинформации: Градење на отпорност кон дезинформациски практики во пост-Ковид опкружување во Северна Македонија”.



Интервјуиравме двајца експерти на оваа тема како и двајца млади професионалци. Нашите експерти беа г-дин Исмет Рамадани, претседател на АТА Македонија и г-ѓа Марина Тунева, извршен директор на Советот за етика во медиумите на Македонија. Младите професионалци се Андреј Николовски, претседател на Здружението на Обединетите нации на Македонија (МУНА) и Деница Шошолчева, студент на Филолошкиот факултет.





Тие го споделија своето мислење за влијанието што го има ширењето на лажни вести и дезинформации. Меѓу темите на разговор беа и пандемијата, процесот на вакцинација, довербата што ја имаат во институциите итн.



Овој проект е поддржан од Секторот за јавна дипломатија на НАТО.